Այժմ ցուցադրվում է 1,263 ռեցեպտ 16 բաժիններում!

Նոր տեղադրված ռեցեպտներ
Ծտի կաթ: Տեղադրող` նուեվա | Ավելացման ամսաթիվ` 29 Sep 2012
Տեղադրվել է Թխվածքներ բաժնում

Բաղադրությունը

Խմոր-

2 ձու,
100 գ շաքարավազ,
100 գ ալյուր

Սուֆլե-

4 ձվի սպիտակուց,
310 գ շաքարավազ,
200 մլ ջուր,
1 ժելատին կամ ագար-ագարշմի քիչ լիմոնի աղ,
100 գ կարագ,
4 ճաշի գդալ խտագրած կաթ,
կակաո:

Գլազուր-

4 ճ գդ կաթ,
4 ճ գդ շաքարավազ,
50 գ կարագ:

Պատրաստման եղանակները

Սկզբում պատրաստում ենք բիսկվիթը-ձուն հարիչով լավ խառնել շաքարավազի հետ միասին, ավելացնել ալյուրը /սոդա պետք չէ/, ապա լցնել կլոր ֆորմայի մեջ և թխել 175 աստիճանի տակ, մինչև պատրաստ լինի: Մեզ ընդամենը պետք է բիսկվիթի բարակ նուրբ շերտ, որ փռենք սուֆլեի տակ:Այս բաղադրատոմսի փոխարեն խմորի համար կարող եք օգտագործել ցանկացած մի ուրիշը, օրինակ մեղրով տորթի շերտերից մեկը՝ֆորմայի չափով կլոր կտրած:Ֆորման պետք է լինի բիսկվիթի համար այն ֆորմաներից, որոնց հատակն անջատվում է պատերից, որպեսզի կարողանանք հետո սուֆլեն հանել առանց շրջելու և ձևը խախտելու:
Սուֆլեն պատրաստելով համար մեզ անպայման ժելատին է պետք՝նախօրոք մի ժամ թողած կես բաժակ սառը ջրի մեջ, որ փափկի: Ժելատինը կարող եք գնել փոշու կամ թերթիկների ձևով, կարևոր չի:
Սուֆլեի համար շաքարավազը լավ խառնում ենք սառը ջրի, լիմոնի աղի հետ և սկսում եփել թույլ կրակի վրա: Միաժամանակ սկսում ենք հարիչով բարձր արագության տակ տրորել ձվի սպիտակուցները, մինչև ամուր փրփուր դառնան, ինչպես բեզե պատրաստելիս: Մինչ այդ օշարակն աստիճանաբար խտանում է, պղպջակներն սկսում են խոշորանալ, շատ չի կարելի թողնել, որովհետև արդեն կարամել կդառնա: Պատրաստ լինելն կարող եք շատ հեշտությամբ իմանալ,՝եթե օշարակից գդալով վերցնում եք և լցնում սառը ջրի մեջ և այն ամբողջովին չի լուծվում,ձեռքով կարող եք նորից հանել ջրից,ուրեմն պատրաստ է:Սա տաք վիճակով բարակ շիթով պետք է լցնենք բեզեի վրա՝ անընդհատ խառնելով: Մինչ այդ, հալեցնում ենք ջրի հետ խառնած ժելատինը՝եռացող ջրով լի թասիկի վրա և լցնում բեզեի մեջ:Առանձին տրորում ենք կարագն ու խտացրած կաթը և դա էլ ենք ավելացնում բեզեի վրա:Այժմ այս խառնուրդը պետք է լցնել ֆորմայի հատակին դրած բիսկվիթի շերտի վրա, թողնել մի քիչ հովանա և դնել սառնարանում:Մի երկու ժամից,երբ արդեն պնդացած, լինի հանում ենք , վրան գլազուր լցնում,նորից դնում սառնարանում:Կարելի է երկու շերտով պատրաստել սուֆլեն՝սպիտակ և շոկոլադով:Համեղ են ստացվում, հիշեցնում են սովետական տարիների ծտի կաթ կոնֆետներին:

Նկարներ - Սեղմեք նկարի վրա մեծ տարբերակը տեսնելու համար:
Ծտի կաթ Ծտի կաթ
Այցելուների արձագանքները (4):

Շաաատ հետաքրքիր տեսականիներ։ Թողել է Մելինե-ը (28 Dec 2015) օրը

Շատ լավ կայք է Թողել է Հասմիկ-ը (22 May 2015) օրը

Ես ինքս պատրաստել եմ, շատ համեղ է։ Թողել է Մարիամ-ը (3 Aug 2014) օրը

Ինձ դուր եկավ, այս խմորեղենը Թողել է Անժելա-ը (21 Mar 2013) օրը

 

Հղումներ:

Ավելացնել նոր ռեցեպտ Կապվեք մեզ այս ռեցեպտի համար Ուղարկեք այս ռեցեպտը ընկերոջը Տպելու տարբերակ

Գնահատել:
  • Այժմ 4.41/5
  • 1
  • 2
  • 3
  • 4
  • 5

Գնահատում: 4.4/5 (83 ձայներ )

Արձագանքել:

Բացել բաժինը:

Այլ ռեցեպտներ այս բաժնից:

Տորթ Պրագա Էսկիմո Տրյուֆել Մրջնաբուն Հատապտուղով տորթ

- Այս ռեցեպտը նայել են - 024232

 

 


 

Շնորհակալություն, Ձեր կարծիքը շուտով կստուգեն և կակտիվացնեն!