Դեմքի դիմակներ մորուց: Տեղադրող` Անետ | Ավելացման ամսաթիվ` 13 Jun 2010 Բաղադրությունը:

Մորի (малина)

Պատրաստման եղանակները:

Չոր և նորմալ մաշկի համար

Տրորեք մորին և քսեք դեմքին ու պարանոցին: Թողեք 15-20 րոպե: Լվացեք նախ տաք, ապա սառը ջրով: Դիմակը սնուցում է մաշկը և թարմ տեսք հաղորդում, միաժամանակ գունաթափում է պեպենները, պիգմենտային լաքաները: Դիմակը մաքրել կարող եք նաև կաթով, դա մաշկին կտա առանձնահատուկ թավշյա տեսք:

Յուղոտ մաշկի համար

2 ճաշի գդալ մորին տրորել ու խառնել լավ հարած ձվի սպիտակուցի հետ: Քսել դեմքին, թողնել 15-20 րոպե, ապա լվանալ տաք ջրով: Եթե մաշկը ծակոտկեն է, դիմակի մեջ կարող եք ավելացնել մեկ թեյի գդալ կիտրոնի կամ գրեյպֆրուտի հյութ: Այս դիմակը ունի նաև սպիատկեցնող հատկություն:

Ծերացող մաշկի համար

1/4 բաժակ կաթը խառնել 50գ մորու հյութի հետ: Բամբակը թրջել այս զանգվածի մեջ և դնել դեմքի վրա` վրայից ծածկելով խավավոր սրբիչով, թողնել 15-20 րոպե: դիմակը հանելուց հետո թեթևակի մաքրել դեմքն ու սնուցող կրեմ քսել:

Ցանկացած տեսակի մաշկի համար

1 ձվի սպիտակուցը հարել թարմ մորու հետ, 1 ճաշի գդալ դեղձի հետ և 15-20 րոպե թողնել դեմքի վրա: մաքրել թաց բամբակով ու լվացվել սառը ջրով:

Մանր կտրատել 50գ խնձոր, ավելացնել 30-40գ թարմ մորու հյութ և 10գ ձիթապտղի յուղ: Այս զանգվածին ավելացնել 5գ կիտրոնի հյութ և 1 ձվի դեղնուց: Ստացված զանգվածը քսել դեմքին ու պարանոցին, թողնել 25-35 րոպե: Դիմակը մաքրել տաք ջրում թրջված բամբակի օգնությամբ: Հետո լվացվել սառը ջրով:

Մանր կտրատել 2 ճաշի գդալ մորու տերև ու վարդի թերթեր, ավելացնել 1 ճաշի գդալ նանայի տերևներ: Եռացնել մինչև շիլայանման զանգված դառնալը ու սառեցնել: Քսել դեմքին ու պարանոցին 15 րոպե, դիմակը մաքրել տաք ջրում թրջված մաբմակի օգնությամբ:

Անվճար ռեցեպտը տրամադրել է Ռեցեպտներ | Բաղադրատոմսեր կայքը © 2017
http://www.recipes.am/: