ԵՌԱՇԵՐՏ ՏՈՐԹ: Տեղադրող` Աննա Ղարագյոզյան | Ավելացման ամսաթիվ` 16 Jun 2010 Բաղադրությունը:

1,5 բաժակ ալյուր
1,5 բաժակ շաքարավազ
3 ձու
350 գր թթվասեր
1,5 ճաշի գդալ կրախմալ
1,5 թեյի գդալ սոդա
2 բաժակ աղացած ընկույզ
0,5 բաժակ մակ
0,5 բաժակ մանր կտրատած չիր
1 տուփ խտացրած կաթ
100 գր կարագ
բուսական յուղ

Պատրաստման եղանակները:

Ալյուրը, շաքարավազը, թթվասերը, կրախմալն ու սոդան բաժանել 3 հավասար մասերի: Մի մաս շաքարավազը հարել 1 ձվի հետ, ավելացնել 1-ական մաս կրախմալ, թթվասեր, ալյուր, սոդա և 1 բաժակ ընկույզ:

Ձևաթավայի վրա բուսական յուղ քսել, վրան պերգամենտի թուղթ փռել, մեջը լցնել ստացված խմորը և թխել 180 աստիճան տաքացված ջեռոցում մոտ 20 րոպե, մինչև պատրաստ լինի:

Մակը տաք ջրով լվանալ, ցողել եռման ջրով ու անմիջապես քամել: Կրկին ցողել եռացրած ջրով ու թողնել 1 րոպեի չափ: 1 ձուն հարել շաքարավազի հաջորդ մասի հետ, կրկին 1-ական մաս ավելացնել մյուս բաղադրիչներից, սակայն այս դեպքում ընկույզի փոխարեն ավելացնել մակը: Թխել տորթի երկրորդ շերտը նույն ջերմաստիճանով:

Մնացած 1 ձուն հարել մնացած շաքարավազի հետ, ավելացնել մյուս բաղադրիչները և կտրատած չիրը: Թխել երրորդ շերտը:

Խտացրած կաթով ու կարագով կրեմ պատրաստել և միացնել տորթի շերտերը հետևյալ հերթականությամբ` ընկույզովը, մակովը, չրովը: Տորթի երեսը պատել մնացած 1 բաժակ աղացած ընկույզով:

Անվճար ռեցեպտը տրամադրել է Ռեցեպտներ | Բաղադրատոմսեր կայքը © 2017
http://www.recipes.am/: