Մեղրով տորթ

Բաղադրությունը

2 ճգ. մեղր,
2 բաժակ շաքարավազ,
3 ձու,
2 թգ. սոդա,
500 գր. կարագ,
2 բաժակ ալյուր,
1 տուփ խտացրած կաթ,
1 բաժակ կաթ,
վանիլին

Պատրաստման եղանակը

Եռացող ջրի գոլորշու վրա դրված կաթսայի մեջ լցնել 2 ճգ. մեղր, ավելացնել 1 բաժակ շաքարավազ և խառնել: 3 ձուն 2 թգ. սոդայի հետ առանձին խառնել և լցնել մեղրի և շաքարավազի վրա, ավելացնել 100 գր. կարագ, 2 բաժակ ալյուր: Սեղանին լցնել 1 բաժակ ալյուր: Կաթսան վերցնել գոլորշու վրայից, 3 րոպե թողնել, որ խմորը սառի և լցնել ալյուրի մեջ:: Լավ խառնել, ստացված խմորը բաժանել 5 գնդի, յուրաքանչյուր գունդը գրտնակել և դնել ջեռոցի թիթեղի հակառակ երեսին: Թիթեղը պետք է նախապես տաքացնել: Թողնել մինչև վարդագույն դառնալը:
ԿՐԵՄ.- 200 գր. կարագին ավելացնել 1 տուփ խտացրած կաթ կամ 1 բաժակ կաթ, 1 բաժակ շաքարավազ, 1 ճգ. ալյուր և լավ խառնել: Եփել մինչև պնդանալը, քիչ վանիլ գցել: Սառելուց հետո ավելացնել 200 գր. հարած կարագ: