Լցոնած Վարունգ

Բաղադրությունը

5-6 հատ թարմ վարունգ,
200 գր. հավի խաշած միս,
1 հատ կանաչ պղպեղ,
2 հատ խաշած ձու,
սամիթ, մաղադանոս,
մայոնեզ, աղ:

Պատրաստման եղանակը

Վարունգները լվանալը, գլխամասերը հեռացնել և բաժանել երկու մասի: Վարունգների միջուկը դուրս հանել դանակի և գդալի օգնությամբ, թողնելով տակը բարակ շերտ:
Միջուկի համար վարունգների մնացորդները մանրացնել, ավելացնել մանրացված ձուն, հավի միսը, պղպեղը, կանաչեղենը: Այս ամենը համել աղով, մայոնեզ անել և լավ խառնել:
Այս խառնուրդը լցնել վարունգների մեջ և զարդարել մայոնեզով: